የሴክተሩ አጠቃላ ይሁኔታ

የስልጤ ዞን ሳይንስና ኢንፎርሜሽን ቴክሎጂ መምሪያ በዞን ካሉ 27 ሴክተር መስሪያ ቤቶች ውስጥ አንዱ ሲሆን በአሁን ወክት በስልጤ ዞን ብልጽግና ጽ/ቤት ህንፃ ውስጥ ሁለተኛ ፎቅ መቀመጫውን በማድረግ ስራውን እያከናወነ ይገኛል፡፡ መምሪያው በሶስት ዋናዋና ዳይሬክቶሬቶች እና በሁለት ደጋፊ የስራ ሂደቶች ተዋቅሮ ይገኛል፡፡ ሶስቱ ዋናዋና ዳይሬክቶሬቶች ኢኮቴ መሠረተ ልማትና አስተዳደር ዳይሬክቶሬት፣የሶፍትዌር ድረ-ገጽ ልማት አስተዳደር ዳይሬክቶሬት፣ የሳይንስና ቴክኖሎጂ ፈጠራ ስራዎች ድጋና ክትትል አቅም ግንባታ ዳይሬክቶሬት ሲሆኑ ሁለቱ ደጋፊ የስራ ሂደቶች ደግሞ የሰው ሀብትና የልማት ዕቅድ ናቸው፡፡ መምሪያው መጀመሪያ ሲቋቋም ሶስት (03) ባለሙያና አንድ (01)ሀላፊ በድምሩ አራት (04) ባለሙያ የነበሩት ሲሆን በአሁን ወክት በዋናዋና የስራ ሂደቶች ሰባት (07) ባለሙያ፣ በደጋፊ የስራ ሂደቶች ደግሞ አምስት (05) ባለሙያ እና አንድ ሀላፊ በድምሩ አስራ አምስት(15) ባለሙያ በመያዝ የተደራጀ ሲሆን በወረዳ እንዲሁም በከተማ አስተዳደር ደረጃ መዋቅር የተዘረጋ በመሆኑ በርካታ ስራዎችን እየተሰሩ ይገኛሉ፡፡ የሳይንስና ኢንፎርሜሽን ቴክኖሎጂ መምሪያ የተቋቋመበት ዋና ዓላማ የሳይንስና ኢንፎርሜሽን ቴክኖሎጂ ዘርፍን በማሳደግ ለፖለቲካዊ፣ ማህበራዊና ኢኮኖሚያዊ እንቅስቃሴ ያለውን አስተዋጽኦ በማጎልበት ዞኑን የፈጣን ልማትና ዕድገት ተጠቃሚ እንዲሆን ማድረግና መምሪያው ከዞን እስከ ቀበሌ ባሉ መንግስታዊ ተቋማት ውስጥ የሚሰጠው አገልግሎት በዘመናዊ ቴክኖሎጂ የተደገፈና የተደራጀ እንዲሆንና አገልግሎት አሰጣጡ ዘመናዊ ቀልጣፋና ውጤታማ በማድረግ መልካም አስተዳደርን ማስፈንና የሃብት ብክነትን መቀነስ ነው፡፡